Պաշտպանության նախարարի տեղակալ Կարեն Բրուտյանն աշխատանքային այցով մեկնել է Հնդկաստան՝ մասնակցելու «Աերո Ինդիա-2023» պաշտպանական ավիացիոն ցուցահանդեսին և դրա շրջանակում կազմակերպված համաժողովին:
Այս մասին հայտնում է ՀՀ ՊՆ մամուլի քարտուղարը։
Այցի ընթացքում պաշտպանության նախարարի տեղակալը հանդիպել է Հնդկաստանի պաշտպանության նախարար Շրի Ռաջնաթ Սինկհի հետ։
Հանդիպման ընթացքում քննարկվել են համագործակցության ընդլայնման հնարավորությունները, երկկողմ ռազմական և ռազմատեխնիկական համագործակցության մի շարք հարցեր։
Հիշեցնենք, որ տևական ժամանակ է Հայաստանը հետաքրքրված է հնդկական արտադրության ռազմական տեխնիկայով և ըստ մամուլում շրջանառվող լուրերի փորձում է ձեռք բերել։