Հանրության շրջանում խոսում են այն մասին, թե Թուրքիայի հետ սահմանը բացվի, լավ կապրենք։ Ուզում եմ հարց տալ այդ մարդկանց՝ Հայաստանի Հանրապետության անվտանգային համակարգը այսօր պատրա՞ստ է Թուրքիայի հետ սահմանի բացմանը․ MediaHub-ի հաղորդմամբ՝ այս մասին լրագրողների հետ ճեպազրույցում ասաց «Հայրենիք» կուսակցության ղեկավար Արթուր Վանեցյանը՝ պատասխանելով հայ-թուրքական սահմանի բացման վերաբերյալ հարցին։
Վանեցյանը շեշտեց՝ 21-րդ դարում փակ սահմաններ ունենալն անթույլատրելի է, շատ սխալ է, բայց Հայաստանը պետք է պատրաստվի, նոր գնա այդ քայլին։
«Հայաստանի Հանրապետությունը Թուրքիայի հետ սահմանը չի փակել, Թուրքիան է միակողմանի փակել ՀՀ հետ սահմանը։ Մենք չպիտի գնանք խնդրենք, պայմաններ առաջ քաշենք. Թուրքիան, եթե ուզում է սահման բացել, թո՛ղ հայտարարի այդ մասին, դրանից հետո մենք կխոսենք»,-նշեց նա։
Մանրամասն՝ տեսանյութում։