Ով չպետք է որևէ պարագայում չիչխան ուտի

Չիչխանը առանձնանում է բազմաթիվ օգտակար հատկություններով. այն իզուր չէ համարվում սերոտոնինով «հագեցած» հատապտուղ, և միևնույն ժամանակ՝ բնական դեղամիջոց։ Սակայն այն ունի նաև իր հակացուցումները՝ դրանց մասին խոսել են Կրասնոյարսկ քաղաքի Ռոսպոտրեբնադզորի մասնագետները։

Չիչխանն ինքնին թեթևացնում է անհանգստությունը, ամրացնում է իմունային համակարգը և բուժում վնասված հյուսվածքները (այրվածքներ և մանր վերքեր): Չիչխանի յուղը հարուստ է վիտամիններով, հանքանյութերով և ամինաթթուներով, որոնց շնորհիվ այն կարգավորում է ստամոքսի, ենթաստամոքսային գեղձի և աղիների աշխատանքը, նվազեցնում է խոլեստերինի մակարդակը, ամրացնում արյան անոթները, վերականգնում հորմոնալ հավասարակշռությունը և նույնիսկ վերացնում է մաշկի տարիքային թերությունները:

Բայց կան նաև թակարդներ։ Մասնագետները նշել են, որ հատապտուղը զգալիորեն իջեցնում է արյան ճնշումը, ինչը կարող է խաթարել արյան մակարդումը։ Ահա թե ինչու, եթե կան խորը վնասվածքներ, չիչխանը հակացուցված է օգտագործել ցանկացած ձևով՝ նույնիսկ թեյի մեջ։

Չիչխանը նաև հարմար չէ այն մարդկանց սննդակարգի համար, ովքեր ունեն շաքարային դիաբետ, սուր պանկրեատիտ, խոլեցիստիտ կամ խոց, երիկամների խնդիրներ, լյարդի բորբոքային պրոցեսներ սուր փուլում կամ ստամոքսի խանգարման հակում։