ԱԺ հերթական նիստի ժամանակ «Հայաստան» խմբակցության քարտուղար Արծվիկ Մինասյանը հայտարարեց, որ խմբակցությունը չի մասնակցելու Հաշվեքննիչ պալատի անդամի ընտրությանը։
Ազգային ժողովի նախագահի տեղակալ Ռուբեն Ռուբինյանն արձագանքեց՝ չի հասկանում, թե ինչո՞ւ ընդդիմադիրները չեն մասնակցելու ընտրությանը։
«Կարծում եմ, հարգելի գործընկերներ, ձեր իրավունքն է տարբեր բաների չմասնակցել, բայց քաղաքացիներն արժանի են իմանալ բացատրությունը, օրինակ, ինչու մեր նիստերի օրակարգերին ձեռնպահ կամ դեմ եք քվեարկում, կոնկրետ՝ Հաշվեքննիչ պալատի հետ ի՞նչ խնդիր ունեք որպես ինստիտուտ»,- ասաց Ռուբինյանը։
Արծվիկ Մինասյանն արձագանքեց՝ ասելով, որ ինքը ևս հրապարակային կպատասխանի հարցին, ինչպես Ռուբինյանն էր իրեն իրավունք վերապահել հրապարակային հարց հնչեցնել։
«Մեր ձեռնպահ կամ դեմ քվեարկությունները մենք հիմնավորում ենք. այնտեղ, որտեղ կա որոշակի բարելավում, նորմալ ենք գնահատում, բայց հիմնականում փաթեթները կիսատ-պռատ մշակված, կամ Հայաստանի առաջնային օրակարգերից դուրս են, իսկ փակ քվեարկություններին չմասնակցելու մասով՝ դուք ձեր գործունեությամբ ապալեգիտիմացրել եք փակ գաղտնի քվեարկության արդյունքները և քվեարկության պրոցեսը»,- ասաց ընդդիմադիր Մինասյանը:
ԱԺ նախագահ Ալեն Սինոյանի արձագանքը հետևյալն էր․ «30 տարի ով ընտրություն կեղծի, ով ապալեգիտիմացնի՝ այլ հարց է»։
Մանրամասները՝ տեսանյութում։