ՀՀ հատուկ հանձնարարություններով դեսպան Էդմոն Մարուքյանը թվիթերյան իր միկրոբլոգում գրել է․
«Նախ, դա փոխհրաձգություն չէր, այլ ադրբեջանական բանակի հերթական հարձակումը, որը հայտնի է ԴԱԻՇ-ի նման մարտական վարքագծով։ Հայկական բանակը ձեռնարկեց անհրաժեշտ քայլեր՝ պաշտպանելու մեր ինքնիշխան տարածքը.
Երկրորդ՝ մեր պահանջն է, որ Ադրբեջանը դուրս բերի իր ուժերը Հայաստանի ինքնիշխան տարածքից և վերադառնա միջազգայնորեն ճանաչված սահմաններին, այսինքն՝ այն վարչական սահմաններին, որոնք գոյություն ունեին երկու երկրների միջև ԽՍՀՄ-ից անկախանալու ժամանակ։
Երրորդ՝ 2022 թվականին Պրահայում և Սոչիում Ադրբեջանը պարտավորվել է զերծ մնալ ուժի կիրառումից կամ ուժի կիրառման սպառնալիքից»։
Հիշեցնենք, որ ԱՄՆ պետքարտուղարության փոխխոսնակ Վեդանտ Փաթելն առավոտյան հանդես էր եկել կոչով՝ Հայաստանին և Ադրբեջանին մայիսի 14- ին Բրյուսելում կայանալիք հանդիպման ժամանակ համաձայնության գալ սահմանի երկայնքով ուժերի հեռացման վերաբերյալ։