Աննախադեպ իրավիճակ Երևանի կենտրոնում. տելեգրամյան ալիքներում տարածվող տեսանյութերում երևում է, թե ինչպես են տասնյակ ոստիկանական ավտոմեքենաներ հետապնդում Hummer մակնիշի մեքենան Երևանի կենտրոնում:
Լսվում են կրակոցի ձայներ: Մի պահ հետապնդվողը մեքենայով մտնում է Կառավարության շենքի մայթի վրա և փախուստի դիմելուց վրաերթի ենթարկում իրավապահներից մեկին:
Հետապնդումը շարունակվում է: Հաջորդիվ կտեղեկացնենք, թե ինչ ավարտ այն ունեցավ:
Ի դեպ, Տելեգրամ ալիքներում տեսանյութը տարածող քաղաքացիներից շատերը ուշադրություն են դարձնում այն հանգամանքի վրա, որ ոստիկանները կարծես չուզելով էին զենք կիրառում ակնհայտ իրավախախտում կատարող վարորդի նկատմամբ, ում գործողությունները քաղաքացիների կյանքի համար սպառնալիք են հանդիսանում: Նրանցից շատերը եզրակացնում են, որ ղեկին ոչ սովորական մահկանացու է, գուցե պաշտոնյայի որդի կամ հենց պաշտոնյա, այդ իսկ պատճառով ոստիկանները ավելի ռադիկալ քայլերի չեն դիմում:
Տեսանյութն՝ այստեղ