Այսօր՝ փետրվարի 14-ին, խոշոր ավտովթար է տեղի ունեցել Արարատի մարզում: Ժամը 21:50-ի սահմաններում Մասիս քաղաքի Հանրապետության փողոցում բախվել են Lexus մակնիշի և VAZ 21112 մակնիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի օպերատիվորեն ժամանած Մասիսի բժշկական կենտրոնի բժիշկների կողմից նախ տեղում առաջին բուժօգնություն են ստացել, ապա մեկը տեղափոխվել է Մասիսի բժշկական կենտրոն, մյուսը՝ «Էրեբունի» բժշկական կենտրոն:

Այս պահին ոստիկանները սպասում են, որպեսզի հիվանդանոցից ահազանգը փոխանցվի Հայաստանի քննչական կոմիտեի Արարատի մարզային քննչական վարչության Մասիսի քննչական բաժին, որպեսզի դեպքի վայր ժամանի քննչական խումբը՝ օրվա պատասխանատու հերթապահ քննիչի գլխավորությամբ։

Ոստիկանությունը պարզում է վարորդների և վիրավորների ինքնությունը: