Խորվաթիայում վթարի է ենթարկվել կաթոլիկ ուխտավորներ տեղափոխող ավտոբուսը. այդ մասին հայտնում է РИА Новости-ն՝ հղում անելով HRT ազգային հեռուստաալիքին։

Ավելի ուշ հայտնի դարձավ, որ վթարի վայրում մահացել է 11 մարդ, ևս մեկ ուղևոր մահացել է հիվանդանոցում։ Բացի այդ, 33 տուժած հոսպիտալացվել է։

Խորվաթիայի ՆԳՆ ղեկավարի խոսքով՝ ավտոբուսը գրանցված է Լեհաստանում։ Ավտոբուսում եղել են կաթոլիկ ուխտավորներ, որոնք մեկնում էին Բոսնիա և Հերցեգովինա։ Ոստիկանությունը դեպքի վայրում է՝ պարզելու վթարի պատճառը։