Մայիսի 25-ին խոշոր ավտովթար է տեղի ունեցել Երևանում։ Ժամը 01:20-ի սահմաններում Երևանի բնակիչ 26-ամյա Արմեն Վարդանյանը, իր վարած «Toyota Camry» մակնիշի ավտոմեքենայով Թամանցիների փողոցում, ճանապարհին եղած ջրափոսի պատճառով, բախվել է թույլատրելի հատվածում կայանված «Honda Accord» մակնիշի ավտոմեքենային և հայտնվել ճանապարհի մեջտեղում։

Shamshyan-ի հաղորդմամբ՝ վթարի հետևանքով, ըստ նախնական տեղեկությունների, տուժածներ չկան։

Վարորդը տեղում ենթարկվել է սթափության փորձաքննության, եղել է սթափ։

Վթարի փաստով ՊԾ Երևան քաղաքի գնդի 4-րդ գումարտակում փաստաթղթեր են ձևակերպվում։