Իսրայելը ստեղծել է կեղծ ընկերություններ՝ «Հըզբոլլահին» մատակարարվող, պայթուցիկով փեյջերներ արտադրելու համար։ Գրել է «The New York Times»-ը։
Հունգարական «ՎԱԿ» ընկերությունը, որի միջոցով Հեզբոլլահը ստացել է պայթեցված փեյջերները, իրականում եղել են «իսրայելական ճակատի մի մասը», գրել է հրատարակությունը՝ վկայակոչելով հետախուզական աղբյուրները։
Բացի «ՎԱԿ»-ից, ստեղծվել են առնվազն երկու այլ կեղևային ընկերություններ՝ թաքցնելու այն մարդկանց իրական ինքնությունը, ովքեր (իսրայելական հետախուզության սպաները) արտադրել են փեյջերները:
«ՎԱԿ»-ը նաև պատվերներ է ընդունել սովորական հաճախորդներից, որոնց համար արտադրել է ստանդարտ փեյջերներ, սակայն ընկերության հիմնական թիրախը «Հըզբոլլահն» է եղել. նրա համար փեյջերները պատրաստվել են առանձին ու տեղադրել PETN պայթուցիկներ մարտկոցների մեջ, NYT-ին ասել են հետախուզության երեք աշխատակիցներ:
Փետրվարին, Հըզբոլլահի բարձրաստիճան հրամանատարների սպանությունից հետո, որոնց վայրը որոշվել էր բջջային ցանցերի միջոցով, շարժման առաջնորդ Հասան Նասրալլան կոչ է արել իր կողմնակիցներին բջջային հեռախոսները դնել երկաթե արկղերի մեջ կամ թաղել դրանք: «Հըզբոլլահի» ղեկավարությունն արգելել է զինյալների հանդիպումներին բջջային հեռախոսներ բերել ու արգելել հեռախոսով ծրագրերի և տեղաշարժերի մասին որևէ տեղեկություն: Նասրալլահը հրամայել է «Հեզբոլլահի» հրամանատարներին մշտապես իրենց հետ ունենալ փեյջերներ, իսկ սովորական մարտիկները պետք է հրահանգներ ստանային փեյջերների միջոցով, թե ուր գնալ պատերազմի դեպքում:
Լիբանանում պայթյունների երկրորդ ալիքի հետեւանքով առնվազն 20 մարդ է զոհվել, ավելի քան 450-ը՝ վիրավորվել։ Երկրորդ հարձակման ժամանակ «Հըզբոլլահի» անդամներին պատկանող ռացիաները սկսել են պայթել։
Ճապոնական էլեկտրոնիկայի արտադրող Icom-ը, որի անունը դրոշմված է եղել ռացիաների կոնկրետ մոդելի վրա, հայտարարել է, որ դադարեցրել է դրանց արտադրությունը մեկ տասնամյակ առաջ:
Ընկերությունը նշել է, որ չունի «IC-V82» մոդելի պաշար ու զգուշացրել, որ շուկայում առկա գրեթե բոլոր «IC-V82» մոդելները կեղծ են: Համաձայն Icom-ի հայտարարության՝ արտադրողը առնվազն 2020 թվականից նախազգուշացրել է կեղծ մոդելների մասին և իրավական միջոցներ է ձեռնարկել կեղծ արտադրողի դեմ։