Այս արտահերթ գործակարգավարական նիստին մի փոքր ելույթով եմ ուզում հանդես գալ՝ դիմելով ոչ միայն աշխատակազմին, այլ նաև՝ երևանցիներին։ Նման հայտարարությունով սկսեց Երևանի քաղաքապետարանի արտահերթ գործակարգավարական նիստը Հրաչյա Սարգսյանը։
«Սիրելի՛ երևանցիներ, 2021-ի տարեվերջին ստանձնեցի քաղաքապետի պաշտոնը, երբ բարդ էր ընդհանուր քաղաքական վիճակը՝ քաղաքային խնդիրների առումով նույնպես։
Մենք ունեինք ծրագրեր, որոնք շարունակելու համար երկու կարևոր կոմպոնենտ կար, որը ապահովված չէր․ առաջինը՝ կառավարության և Երևան քաղաքի միջև գործակցությունն էր։ Եվ երկրորդը՝ 2018-ի՝ «Իմ քայլը» դաշինքի ծրագրերի իրականացումը։ Իսկ հիմա, երբ խոչընդոտներ չունենք, ուզում եմ հայտարարել իմ հրաժարականի մասին։ Շարունակելու եմ մնալ քաղաքական թիմի կողքին»,- նշեց նա։
Հրաչյա Սարգսյանը հավելեց, որ ՔՊ-ի՝ Երևանի քաղաքապետի թեկնածուն Տիգրան Ավինյանն է, և ցուցակը գլխավորելու է նա։
«Հույս ունեմ, որ ՔՊ-ն կստանա Երևանի քաղաքացու քվեն»,- ասաց նա։
Մանրամասները՝ տեսանյութում։