Իշխող «Քաղաքացիական պայմանագիր» կուսակցությունը գլխավոր դատախազի թեկնածուի հարցում դեռ վերջնական որոշում չունի։ Այս մասին ճեպազրույցի ժամանակ հայտարարեց կուսակցության խորհրդարանական համանուն խմբակցության քարտուղար Արթուր Հովհաննիսյանը՝ պատասխանելով լրագրողի այն հարցին, որ ՔՊ-ն երկու թեկնածուի՝ Աննա Վարդապետյանի և Վլադիմիր Վարդանյանի մասին քննարկումներ է անցկացնում։
«Երբ որ վերջնական որոշում լինի, դրա մասին կհայտարարենք», - ասաց նա։