2022 թվականին ամենաբարձր վարձատրվող հայտնիները միասին վաստակել են ավելի քան 1,3 միլիարդ դոլար: Միևնույն ժամանակ շոու բիզնեսի միայն երկու ներկայացուցչի է հաջողվել երկրորդ անգամ անընդմեջ հայտնվել Forbes-ի այս վարկանիշում: 2022 թվականի հոկտեմբերին իր տասներորդ ստուդիական «Midnights» ալբոմի թողարկմամբ՝ 12 «Էմմի» մրցանակի դափնեկիր Թեյլոր Սվիֆթը դարձավ պատմության մեջ առաջին կատարողը, ով զբաղեցրել է Billboard Hot 100-ի միանգամից տասներորդ հորիզոնականը: Երգչուհին զբաղեցրել է իններորդ տեղը ամենաբարձր վարձատրվող արտիստների տասնյակում: Նա վարկանիշային աղյուսակում վեցերորդ անգամ է, իսկ 2019-ին փոփ դիվան գլխավորում էր այն։

Բայց որքան հաջող էր Թեյլոր Սվիֆթի անցած տարին, այն ավելի լավն էր մի քանի այլ ռոք աստղերի համար: The Rolling Stones-ի անդամները, ովքեր կատարել են իրենց սեփական հիթերը խմբի 60-ամյակի պատվին 2022 թվականին կայանալիք Sixty եվրոպական շրջագայության շրջանակներում, հարստացել են 98 միլիոն դոլարով։

Բրիտանական Genesis խումբը Forbes-ի վարկածով գլխավորել է 2022 թվականի ամենաբարձր վարձատրվող հայտնիների ցուցակը։  Նրանք 2022 թվականին վաստակել են 230 միլիոն դոլար։ Խումբն իր եկամուտներն ապահովել է Concord Music Group-ին իր երաժշտության իրավունքների վաճառքի, հյուրախաղերից ստացված հոնորարների և նրանց ստեղծագործությունների օգտագործման հոնորարների շնորհիվ:

Երկրորդ տեղը զբաղեցրել է բրիտանացի երգիչ Սթինգը։ The Police-ի նախկին անդամին հաջողվել է մեկ տարում վաստակել 210 մլն դոլար։ Երաժիշտը Universal Music Group լեյբլին վաճառել է իր ամբողջ երաժշտության իրավունքները։

Երրորդ տեղում ամերիկացի դերասան և ռեժիսոր Թայլեր Փերիին է. նա վաստակել է 175 մլն դոլար։ «Հարավային պարկ» (South Park) մուլտսերիալի հեղինակներ Թրեյ Փարքերն ու Մեթ Սթոունը զբաղեցրել են վարկանիշի չորրորդ տեղը: Մեկ տարվա ընթացքում նրանք վաստակել են 160 միլիոն դոլար՝ այս ամենը շնորհիվ HBO Max ծառայության և Paramount-ի հետ հաջող գործարքների։

Հինգերորդ տեղում 105 միլիոն դոլար ցուցանիշով «Սիմփսոնները» անիմացիոն սերիալի ստեղծողներ Ջեյմս Բրուքսը և Մեթ Գրենինգն են: Նրանք զգալի հոնորարներ են ստացել Դիսնեյի հետ գործարքից։