«Keeping Up with the Kardashians» ռեալիթի շոուի աստղ, մոդել և գործարար Քայլի Ջենները կիսվել է իր անձնական բլոգի շրջանակների բաժանորդների հետ Ժան Պոլ Գոտյեի գովազդային արշավի ֆոտոշարքից:
25-ամյա Քայլի Ջեները դարձել է Ժան Պոլ Գոտիեի «Ծաղիկներ» կոչվող նոր հավաքածուի գովազդային արշավի գլխավոր աստղը։ Աստղը բաժանորդների հետ կիսվել է արշավից լուսանկարով, որոնցում նա կեցվածք է ընդունում ֆրանսիական նորաձեւության տան գարուն-ամառ հավաքածուի բաց զգեստներով և կոստյումներով։
Տան կրեատիվ տնօրեն Ֆլորենս Թեթիերի խոսքով՝ Քայլի Ջենները կատարյալ դեմք է նոր հավաքածուի համար, քանի որ նա «ներկայացնում է շրջակա միջավայրին հարմարվելու ուժն ու կարողությունը»։ Գովազդային արշավի նկարահանման պատասխանատուն ռուս լուսանկարիչ Ելիզավետա Պորոդինան էր։
«Այս հավաքածուի համար Քայլի Ջենների հետ աշխատելն ակնհայտ ընտրություն էր: Նրա անհատականությունն ու համբավը նրան իսկական ոգեշնչում են դարձնում: Նա հիանալի կերպով համապատասխանում է ժամանակակից ջրահարսի գաղափարին, որը ես փնտրում էի՝ հզոր արարածի, որը կարող է հարմարվել շրջակա միջավայրին»,- ասել է Ֆլորենս Թեթիերը:
