Գերմանիայի Մագդեբուրգ քաղաքի սուրբծննդյան տոնավաճառի այցելուներին վրաերթի ենթարկած BMW-ի վարորդն աշխատել է որպես հոգեբույժ։

Սաուդյան Արաբիայից 50-ամյա տղամարդը քաղաքական փախստականի կարգավիճակ ունի՝ իր հայրենիքում մահապատժի սպառնալիքներ է ստացել իսլամից հեռանալու համար,  գրել են գերմանական լրատվամիջոցները։ 

Տղամարդը Գերմանիա է տեղափոխվել 2006 թվականին, նա ակտիվ է եղել սոցիալական ցանցերում։ Մասնավորապես, նա խորհուրդներ է տվել Եվրոպա տեղափոխվել ցանկացող սաուդցի կանանց։ 

Վերջին տվյալներով՝ ահաբեկչության զոհ է դարձել 5 մարդ, ավելի քան 200-ը՝ վիրավորվել։