Պարոն Տոնոյան, պատերազմից օրեր առաջ հանդիպել եք ՌԴ ՊՆ նախարար Շոյգուին, ճի՞շտ ա: ԳՇ պետը հանդիպել ա ՌԴ ԳՇ պետ Գերասիմովին, ճի՞շտ ա: Էդ հանդիպումների ընթացքում, բնականաբար, քննարկվել է նաև մեզ մոտ պատերազմի հավանականությունը ու էդ հանդիպումների բերումով նաև մեր դաշնակցի կողմից հնչել են հավաստիացումներ, որ պատերազմը քիչ հավանական է կամ գրեթե անհավանական է. ճի՞շտ է սա, թե ոչ։ 44-օրյա պատերազմի հանգամանքները քննող հանձնաժողովի ընթացքում այս մասին հետաքրքրվեց ՔՊ խմբակցության պատգամավոր Վահագն Ալեքսանյանը։
Պաշտպանության նախկին նախարար Դավիթ Տոնոյանը պատասխանեց․
«Փակ հարցում կտաք, կպատասխանեմ, բայց մի քանի շեշտադրում անեմ, որ հանրությանը պարզ լինի. պատերազմին նախորդող ժամանակահատվածում Նախիջևանում տեղի ունեցած զորավարժություններն ինձ հուշել էին, որ Ֆ16-երի տեղակայումը վարժանքի նպատակով չէ»։
Ալեքսանյանը հետաքրքրվեց նաև, թե արդյո՞ք Հայաստանը որոշ զինատեսակների կիրառման կաշկանդվածություն է ունեցել։ Տոնոյանն արձագանքեց, թե փակ նիստին կխոսի այս մասին, բայց որոշ սահմանափակումներ եղել են ոչ միայն զինատեսակի հետ կապված, այլ աշխարհագրության։
Մանրամասները՝ տեսանյութում