Մյանմայում ավերիչ երկրաշարժի հետևանքով զոհերը 3 145-ն են, 221 հոգու ճակատագիրն անհայտ է

Մյանմայում տեղի ունեցած ավերիչ երկրաշարժի հետևանքով զոհերի թիվը հասել է 3145-ի, վիրավորվել է 4589 հոգի, 221 մարդ անհայտ կորած է համարվում, հայտնել է Xinhua գործակալությունը։

Մյանմայի փրկարարները շարունակում են որոնողափրկարարական աշխատանքները՝ համագործակցելով այլ երկրների մասնագետների հետ։

Վերջին տվյալների համաձայն՝ փլատակներից դուրս է բերվել 653 մարդ, ինչպես նաև 626 զոհվածների մարմիններ։