Ռուսաստանի և Թուրքիայի միջև ռազմատեխնիկական համագործակցությունը (ՌՏՀ) մշտապես օրակարգում է, «Բայրաքթար» անօդաչու թռչող սարքերի համատեղ արտադրության պլանները շարունակում են քննարկման թեժ թեմա մնալ. հայտարարել է ՌԴ նախագահ Վլադիմիր Պուտինի մամուլի քարտուղար և Կրեմլի պաշտոնական ներկայացուցիչ Դմիտրի Պեսկովը, փոխանցում է TASS-ը։
«Երկու երկրների միջև ռազմական համագործակցությունը մշտապես օրակարգում է։ Եվ հենց այն փաստը, որ մեր փոխգործակցությունը զարգանում է նման զգայուն ոլորտում, հուշում է, որ, ընդհանուր առմամբ, մեր հարաբերությունների ողջ շրջանակը գտնվում է շատ բարձր մակարդակի վրա»,- մեկնաբանել է Պեսկովը։
Նա հավելել է, որ այս թեման կքննարկվի նաև Ռուսաստանի առաջնորդի և Թուրքիայի նախագահ Ռաջեփ Թայիփ Էրդողանի առաջիկա հանդիպմանը։
Ավելի վաղ Էրդողանն առաջինն էր հայտարարել «Բայրաքթար» անօդաչու թռչող սարքերի համատեղ արտադրության պլանների մասին։