Apple-ը Scary Fast շնորհանդեսի ժամանակ հայտարարել է նոր սերնդի պրոցեսորների և համակարգիչների մասին: Այս մասին հաղորդվում է ընկերության կայքում։

ՏՏ հսկայի ներկայացուցիչները խոսել են երեք նանոմետրանոց M3 չիպերի մասին։ Շարքը ներառում է M3, M3 Pro և M3 Max մոդելները: Apple-ն ընդգծել է, որ իրենց կատարողականությունը M2-ի համեմատ աճել է 15-30 տոկոսով։ M3 չիպերը ստացել են նաև կատարելագործված գրաֆիկական պրոցեսորներ։

14 և 16 դյույմ անկյունագծով MacBook Pro նոութբուքերը ստացել են նոր պրոցեսորներ։ Մոդելներն ունեն մինչև 128 գիգաբայթ օպերատիվ հիշողություն և մինչև 8 տերաբայթ ներքին հիշողություն SSD-ի վրա:

Նոր M3 նոութբուքերը մոտավորապես 11 անգամ ավելի արագ են, քան Intel-ի վրա հիմնված նախկին MacBook Pro-ները:

Apple-ը հայտարարել է նաև 24 դյույմանոց iMac սեղանադիր համակարգչի մասին, որը ստացել է M3 պրոցեսոր։ Մոդելը աջակցում է մինչև 24 գիգաբայթ RAM և մինչև 2 տերաբայթ ներքին հիշողություն:

Թարմացված 14 դյույմանոց MacBook Pro-ի արժեքը սկսվում է 1599 դոլարից, 16 դյույմանոց մոդելը՝ 2499 դոլարից: Նոր iMac-ը գնահատվել է նվազագույնը 1299 դոլար: Վաճառքը կսկսի նոյեմբերի 7-ից։