Չինաստանում ութամյա տղան մահացել է այն բանից հետո, երբ ուսուցչուհին անտեսել է նրա՝ առողջության վերաբերյալ բողոքները, գրում է Mothership-ը։ Մահացածի ծնողները վստահ են, որ ողբերգությունից կարելի էր խուսափել, եթե չլիներ ուսուցչի անփութությունը։

Նշվում է, որ դասաժամին երեխան յոթ անգամ ձեռք է բարձրացրել՝ տեղյակ պահելու համար, որ վատ է զգում, սակայն ուսուցչուհին անտեսել է։

Միայն դասընկերների բարձրաձայնելուց հետո երեխային տարել են բուժկետ։ Այն էլ՝ ուսուցչուհին սաստել է, թե չլացի։ Երեխան աստիճանների վրա ուշագնաց է եղել։ Տղայի հայրն է շտապօգնություն կանչել, քանի որ աշխատակիցները խուճապի մեջ էին եղել ու չգիտեին՝ ինչ անել։

Արդեն հիվանդանոցում բժիշկները Գոյի ծնողներին հայտնել են, որ իրենց որդին անգիտակից է և երկար ժամանակ չի շնչել, ինչը մեծ ​​վնաս է հասցրել նրա ուղեղին։ Արդյունքում, երեխան կլինիկայում անցկացրել է մոտ 280 օր և ավելի քան վեց ամիս մնացել է տանը  մինչև մահանալը:

Գոյի մայրը հերքում է, որ որդին որևէ հիվանդություն է ունեցել և պնդում է, որ նա առողջ է եղել։ Կինը պնդում է, որ ուսուցչի անփութությունն ու ոչ ադեկվատ արձագանքը հանգեցրել են տղայի ընկնելուն, բուժման հետաձգմանը և, ի վերջո, մահվան։

Բացի այդ, դպրոցը ներողություն չի խնդրել Գոյի ծնողներից։ Ինքը՝ ուսուցչուհին, նույնիսկ չի մասնակցել դատական ​​նիստերին, չնայած գործի առանցքային վկա է:

Իրադարձություններին արագ հետևելու համար միացեք MediaHub-ի տելեգրամյան ալիքին https://t.me/MediaHub1world