Արսեն Թորոսյանին՝ անձեռնմխելիությունից զրկելու վերաբերյալ տեղեկություն չունեմ․ MediaHub-ի հաղորդմամբ՝ այս մասին ասաց ՔՊ-ական պատգամավոր Վաղարշակ Հակոբյանը՝ անդրադառնալով մամուլի տեղեկություններին, թե գլխավոր դատախազը մտնելու է ԱԺ իր թիմակցին անձեռնմխելիությունից զրկելու հարցով։
Մամուլը նաեւ գրում է, որ Արսեն Թորսոյանին անձեռնմխելիությունից զրկելու հիմքերից մեկը կլինի կորոնավիրուսի ժամանակ ենթադրյալ կոռուպցիոն դրսեւորումներն ու չարաշահումները։
«Մեր իրավապահ համակարգը աչալուրջ հետեւում է, եւ բոլորը տեսնում են, որ 2018թ․-ին հռչակած հեղափոխական արժեքների մեջ էր նաեւ կոռուպցիայի դեմ պայքարը։ Մենք իրավունք չունենք խախտել Արսեն Թորսոյանի անմեղության կանխավարկածը եւ գնահատական տալ՝ մինչեւ դատարանի որոշումը»,-ասաց նա։
Լրագրողի դիտարկմանը, այդ դեպքում ինչո՞ւ էին գործող իշխանությունները խախտում անմեղության կանխավարկածը, երբ խոսքը վերաբերում էր նախկիններին, Հակոբյանը հորդորեց չհամեմատել իրենց նախկինների հետ։
«Նախկինների հետ մեզ համեմատելու բոլոր փորձերն ապարդյուն են, ես նույնիսկ եզրեր չեմ տեսնում»,-ասաց նա։
Մանրամասն՝ տեսանյութում։