ԵՄ-ն մշակում է ջրի օգտագործման կրճատման ծրագիր․ տարեկան 23 միլիարդ եվրո
Եվրոպական հանձնաժողովը մշակում է ծրագիր, որը կպահանջի ԵՄ անդամ պետություններից մինչև 2030 թվականը երաշտի պատճառով ջրի սպառումը կրճատել 10%-ով, գրել է բրիտանական «Financial Times» թերթը՝ հղում անելով իր ձեռք բերած համապատասխան ծրագրին։
ԵՄ երկրներին նաև խորհուրդ կտրվի ավելացնել կեղտաջրերի մաքրման ենթակառուցվածքներում ներդրումները։
«Բրյուսելը կոչ կանի ԵՄ երկրներին մինչև 2030 թվականը ջրի սպառումը կրճատել 10%-ով, քանի որ դաշինքը բախվում է լայնածավալ երաշտների», - նշել է հրատարակությունը։
Ծրագիրը, որը նախատեսվում է ներկայացնել այս տարվա հունիսին, առաջին անգամն է, որ Եվրոպական հանձնաժողովը սահմանում է ջրի արդյունավետության նպատակներ։
Ծրագրի մշակմանը մոտ կանգնած պաշտոնյաների խոսքով՝ Եվրոպական հանձնաժողովը կառաջարկի տարեկան 23 միլիարդ եվրո ներդնել ջրային ենթակառուցվածքներում։
Ըստ թերթի՝ այս նախաձեռնությունը խոսում է ԵՄ-ում ստորգետնյա ջրերի պաշարների սպառման մասին։
