Թուրքիան պատրաստ է օկուպացված Շուշիում գլխավոր հյուպատոսություն բացել՝ ադրբեջանական կողմի այս քայլին պատրաստակամության մասին առաջին իսկ հայտարարության դեպքում։ Այս մասին երեքշաբթի օրը Բաքվում Ադրբեջանի նախագահ Իլհամ Ալիեւի հետ ընդլայնված կազմով բանակցությունների բաց հատվածում հայտարարել է նախագահ Ռեջեփ Թայիփ Էրդողանը։

Նա առիթը բաց չի թողել հերթական սպառնալիքը Հայաստանի հասցեին հնչեցնելու՝ հայտարարելով, որ Շուշիում դիվանագիտական ներկայացուցչության բացումը հստակ ուղերձ կլինի ոչ միայն Հայաստանին, այլեւ ողջ աշխարհին։