Թեյին ու սուրճին փոքր քանակությամբ շաքար ավելացնելը բացասաբար չի ազդում օրգանիզմի վրա, եզրակացրել են Նիդեռլանդների Լեյդենի համալսարանի գիտնականները։
32 տարվա ընթացքում հետազոտության երեք հազար մասնակիցներ կանոնավոր կերպով թեյ կամ սուրճ են խմել շաքարով, և միայն քաղցրացուցիչի ավելացված քանակն է տարբերվել: Գիտնականներն ուսումնասիրել են կամավորների առողջական ցուցանիշները փորձի սկզբում և վերջում, ինչպես նաև հետազոտության ընթացքում մանրամասն ուսումնասիրել են նրանց մահվան պատճառները։
Պարզվել է, որ նրանք, ովքեր ամբողջությամբ հրաժարվել են շաքարով թեյից, վաղաժամ մահվան վտանգը նվազեցրել են միայն մեկ գործակիցով՝ համեմատած նրանց հետ, ովքեր դեռ շաքար են օգտագործել։
Սակայն, ինչպես պարզաբանել են գիտնականները, շաքարը առողջության ու կյանքի տեւողության համար ոչ մի վտանգ չի ներկայացնում միայն այն դեպքում, եթե ըմպելիքին ավելացնեն քիչ քանակությամբ քաղցրացուցիչ՝ մեկ բաժակի համար ընդամենը 5 գրամ շաքար։ Ինչպես պարզաբանել են հոլանդացի գիտնականները, սա այն ծավալն է, որը տեղավորվում է մեկ թեյի գդալում։