Հայաստանի Հանրապետության գլխավոր դատախազությունն այսօր ՀՀ իրավասու մարմնից ստացել է Ռուսաստանի Դաշնության իրավապահ մարմինների կողմից նախօրեին հայտնաբերված՝ հետախուզման մեջ գտնվող ադրբեջանցուն Հայաստանի Հանրապետությանը հանձնելու վերաբերյալ փաստաթղթերի փաթեթը:
Նշված փաթեթը՝ ՀՀ գլխավոր դատախազության կողմից կազմված հանձնման միջնորդության հետ միասին, քիչ առաջ ուղարկվել է ՌԴ գլխավոր դատախազություն:
Այս մասին հայտնում են Գլխավոր դատախազությունից:
Մինչդեռ ադրբեջանական լրատվամիջոցները հայտնում են, որ մարդասպան զեյնալին, որը երեկ ազատ էր արձակվել, արդեն Բաքվում է, որտեղ նրան դիմավորել են իբրև հերոսի: ռամիլ սաֆարովի պատմությունը կրկնվում է:
MediaHub-ը գրել էր, որ քյամիլը հայտնի էր դարձել այն բանից հետո, երբ 44-օրյա պատերազմի օրերին տեսանկարել էր, թե ինչպես էր հայ տարեց տղամարդու կտտանքների ենթարկում ու անարգում նրա դին՝ սկզբում կտրել էր պարանոցը, ապա մասնատել մարմինը: Եվ այս ամենը հրապարակել սոցցանցերում: