Հնդկաստանի հյուսիսային նահանգներում հորդառատ անձրեւների հետեւանքով առաջացած ջրհեղեղների զոհ է դարձել ավելի քան 30 մարդ, գրում է Times of India թերթը։
Հրատարակության տվյալներով՝ առնվազն ութ մարդ անհետ կորել է աղետի հետեւանքով։
«Հորդառատ անձրևների հետևանքով կիրակի օրը 31 մարդ է զոհվել Ռաջաստանում, Հիմաչալ Պրադեշում, Ուտար Պրադեշում և Փենջաբում (երկրի հյուսիսային նահանգներում-խմբ.)»,- հայտնում է հրատարակությունը։
Հրատարակության տվյալներով՝ ամենամեծ թվով զոհերը գրանցվել են Ռաջաստան նահանգում, որտեղ զոհվել է 17 մարդ, հինգը անհետ կորել են։
Օգոստոսի սկզբին Press Trust of India-ն հայտնել էր, որ Հնդկաստանի հյուսիսում ավելի քան 20 մարդ է մահացել հորդառատ անձրեւների հետեւանքով առաջացած սողանքների պատճառով: