Հեռահաղորդակցության սարքավորումներ արտադրող շվեդական Ericsson ընկերությունը մինչև տարեվերջ կփակի իր ներկայացուցչությունը Ռուսաստանում և աշխատանքից կազատի բոլոր աշխատակիցներին։ Այս մասին գրում է «Կոմերսանտ»-ը։

Հրատարակության տվյալներով՝ ընկերությունն աշխատանքից կազատի նույնիսկ այն աշխատակիցներին, ովքեր տեխնիկական աջակցություն են ցուցաբերում հեռահաղորդակցության օպերատորների ցանցերում։ Ընկերությունը հաստատել է, որ առաջիկա ամիսներին իրենք կսահմանափակեն գործունեությունը Ռուսաստանում,  քանի որ առայժմ կատարում են հաճախորդների հանդեպ իրենց պարտավորությունները:

«Կոմերսանտ»-ի աղբյուրները խոստովանում են, որ Ericsson-ի օժանդակ անձնակազմի մի մասը կտեղափոխվի նոր ընկերություն, որը կստեղծեն ռուս թոփ-մենեջերները։

Ericsson-ը Ռուսաստանում գործունեությունը դադարեցնելու մասին հայտարարեց ապրիլի սկզբին։ Ընկերությունն ակտիվների արժեզրկման և այլ «բացառիկ ծախսերի» դեպքում 0,9 միլիարդ SEK (մոտ 95 միլիոն դոլար) պահուստային հաշիվ է ստեղծել։ Ռուսաստանում Ericsson-ի գրասենյակի աշխատակիցներին ուղարկել են վճարովի արձակուրդ։

Ավելի ուշ Ericsson-ը ռուսական շուկայից դուրս գալուց հետո իր կորուստները գնահատեց 1,2 միլիարդ շվեդական կրոն (130 միլիոն դոլար):

Նյութի աղբյուրը՝ shantnews.am