Լեհաստանի արտաքին գործերի նախարար Ռադոսլավ Սիկորսկին հայտարարել է «Վայմարյան եռանկյունու» ԱԳ նախարարների առաջիկա հանդիպման մասին։
Լեհաստանի ԱԳՆ ղեկավարի խոսքով՝ նոյեմբերի 19-ին կկայանա Ֆրանսիայի, Լեհաստանի և Գերմանիայի ներկայացուցիչների հանդիպումը «Վայմարյան եռանկյուն պլյուս» ձևաչափով, որին կմասնակցեն նաև Ուկրաինայի արտգործնախարար Անդրեյ Սիբիգան և ԵՄ Արտաքին գործերի և անվտանգության քաղաքականության նոր բարձր ներկայացուցիչ Կայա Կալլասը։
Նրանք կքննարկեն Ուկրաինական պատերազմը, հայտնել են ԶԼՄ-ները։
«Ինչպես տեսնում եք, այս «ճգնաժամի» վերաբերյալ ամենակարևոր բանակցությունները տեղի կունենան Վարշավայում»,- ասել է Ռադոսլավ Սիկորսկին։