Ախր, պարոն Մինասյան, շատ սխալ եք պատկերացնում էսօրվա իշխանությունը, է: Էդ ինչ ա՞ էդ իշխանությունը, որ տենց՝ մեզ-մեզ։ Ընտրություններն են որոշում, դուք չեք որոշում։ Մենք, դուք շփվում եք, բոլորը շփվում են, էս իշխանությունը ձեր երկար տարիների իշխանությունը չի։ Սա պատասխանատվության, գիտակցման, և շատ ծանր իրավիճակում իշխանություն է, նենց չի, որ իշխանության վրա մեղր ա քսած։ Այս մասին այսօր ԱԺ-ում իր ելույթի ժամանակ հայտարարեց ԱԺ նախագահ Ալեն Սիմոնյանը։
«133 տարվա մասին եք խոսում, ուզում եմ հասկանալ՝ գինի ա՞, հնացող ա՞, էդ 133-ը չի կարևոր, հետաքրքիր ա, թե էդ 133 տարվա ընթացքում ի՞նչ արդյունքներ եք գրանցել... կարող ա 3 տարի կուսակցությունը գոյություն ունենա, բայց լավ արդյունք գրանցի»,-ասաց Սիմոնյանը և հիշեցրեց, որ ՀՅԴ-ն 133 տարվա ընթացքում բոլոր իշխանությունների հետ համագործակցել է։
Խոսելով Դաշնակցության վարկանիշի մասին, Սիմոնյանը հիշեցրեց «Գելափի» վերջին արդյունքները։
«1 տոկոս ա Դաշնակցության վարկանիշը, «Դոգ» մականունով կերպարը (Վարդան Ղուկասյան- խմբ.) 1,5 տոկոս ա, դուք՝ 1 տոկոս։ Մենք ուրախ չենք, մենք տխրում ենք, գիտեք՝ ինչի՞, որովհետև մեզ առողջ ընդդիմություն ա պետք։ Դուք ընդդիմություն չեք, դուք զբաղեցնում եք ընդդիմության դաշտը և չեք թողնում, որ ընդդիմություն ձևավորվի, ձեր հեռուստաընկերություններ գնելով։ Գնացեք Դոգի հետ մրցեք»,-նշեց Սիմոնյանը։
Սիմոնյանին փորձեց արձագանքել Գեղամ Մանուկյանը, որին ԱԺ նախագահը պատասխանեց․
«Հա-հա, եղավ, մի բան պարտադիր ասա, որ եթերով ցույց տաս, որ ինչ-որ բան ես խոսել էս ընթացքում: Էս էլ չլինի Արթուր Խաչատրյանը՝ հետս եկավ Անգլիա, որպեսզի արդարացնի ինձ հետ Անգլիա գալը, հանկարծ իմ հետ չասոցացվի, եկել ա Կառավարության ներկայացուցչին հարց ա տալիս, BMW-ի գնումից ա խոսում, ուղղակի կպցնում ա, որ ձեռի հետ մի հատ ինձ կպնի։ Պարոն Խաչատրյան, ախր էդ ճանապարհները մթով եմ անցել։ Ասում էիք՝ ԱԺ եք վերադառնալու ձեր օրակարգով, ո՞րն ա ձեր օրակարգը․ 1 մլն դոլարանոց հարց՝ կասե՞ք՝ որն ա՞ ձեր օրակարգը »,-նշեց Սիմոնյանը։
Մանրամասները՝ տեսանյութում