Առնվազն 43 մարդ է զոհվել Միացյալ Նահանգներում «Հելեն» փոթորկի ժամանակ։

Մահացածների մեծ մասն ապրում էր Հարավային Կարոլինա և Ջորջիա նահանգներում, սակայն մահվան դեպքեր գրանցվել են նաև Ֆլորիդայում, Հյուսիսային Կարոլինայում և Վիրջինիայում:

Նահանգի իշխանությունները շարունակում են տարհանել աղետի գոտին։ Այսպիսով, Էրվինի հիվանդանոցի տանիքում փրկվել է ավելի քան 50 մարդ, բոլորը տարհանվել են, հայտնել է X-ում Ballad Health հիվանդանոցային ցանցը: Մարդիկ տարհանվում են նաև Թենեսի նահանգի Նյուպորտի կենտրոնից, ըստ Reuters-ի՝ այնտեղ պատնեշի վնասման վտանգ է:

«Հելեն» փոթորիկը ԱՄՆ-ին հարվածել է սեպտեմբերի 26-ին։ Դրան տրվել է վտանգավորության չորրորդ (հինգ հնարավորից) կատեգորիա։ Քամու արագությունը հասել է 225 կմ/ժ-ի։ Փոթորիկը, անձրևն ու սողանքները հեղեղել են բնակելի թաղամասերն ու հոսանքազրկել ավելի քան 3,5 միլիոն տներ և ձեռնարկություններ: Ինտերնետի լայնածավալ խափանումներ են գրանցվել նաև ԱՄՆ մի քանի հարավարևելյան և միջինարևմտյան նահանգներում:

Լուսանկարներն ու տեսանյութերն այստեղ