Պատմամշակութային ժառանգության գիտահետազոտական կենտրոնի արշավախումբը (արշավախմբի պետ՝ Մհեր Խեչոյան) պեղումներ է իրականացրել Լոռու մարզի Քոբայրավանքի սեղանատան տարածքում։

Արդյունքում բացվել են տնտեսական կառույցներ և հայտնաբերվել մեծ թվով խեցեղենի բեկորներ։

Բացի պեղումներից հայտնաբերված խեցեղենից, կճուճներ, կարասներ, փողրակներ էին հայտնաբերվել նաև շինարարական աշխատանքների ժամանակ, որոնք վերականգնվել են (վերականգնող՝ Սարգիս Բիսլամյան) գիտահետազոտական մեր կենտրոնի վերականգնման բաժնում։