Լսողության կորուստը քիմիաթերապիայից հետո եւ զնգոցն ականջներում, որը տինին է կոչվում, ազդում է ամենատարածված քաղցկեղ տարածների մեծ մասի վրա, եւ այդ պատճառով լսողության սովորական հետազոտություն է անհրաժեշտ, ասվում է նոր հետազոտության մեջ:
Կալիֆորնիայի համալսարանի գիտնականները պարզել են, որ կրծքագեղձի, աղեստամոքսային տրակտի, գինեկոլոգիական կամ թոքերի քաղցկեղ տարած մարդկանց կեսից ավելին, ովքեր քիմիաթերապիա են անցել, լսողության հետ կապված զգալի խնդիրներ են ունեցել:
Հետազոտության արդյունքները հրապարակվել են BMJ Supportive & Palliative Care ամսագրում։
Հետազոտողները լսողության կորստի եւ ականջներում աղմուկի բարձր մակարդակ են հայտնաբերել ոչ միայն պլատինե դեղամիջոցների, այլ նաեւ քիմիաթերապիայի մեկ այլ դասի՝ տաքսաններ կոչվող դեղամիջոցների կիրառման դեպքում, որոնք կարող են նյարդային վնաս պատճառել:
Հետազոտության հեղինակների կարծիքով՝ հետազոտության ամենազարմանալի արդյունքը լսողության կորստի բարձր մակարդակն էր տաքսան պարունակող քիմիաթերապիայի ռեժիմների կիրառման ժամանակ (տաքսանները դեղամիջոցներ են, որոնք միտոտիկ թույն են եւ ազդում են քաղցկեղի բջիջների տարածման վրա):