Երկու երկրներում էլ հարուցվել են քրեական գործեր, շուտով կսկսվի դատավարության փուլը: Ասել է ՌԴ ԱԳՆ պաշտոնական ներկայացուցիչ Մարիա Զախարովան ասուլիսի ժամանակ՝ անդրադառնալով անցյալ սեպտեմբերին ԼՂ-ում ռուս խաղաղապահների մահվան գործի հետաքննությանը։
«Գլխավոր դատախազությունը, Ադրբեջանի և Ռուսաստանի քննչական մարմինները սերտ կապի մեջ են այս հարցով, հետաքննությունն ընթանում է քրեական գործերի շրջանակներում, մանրամասն տեղեկություններ կհրապարակվեն ավելի ուշ»,- ասել է Զախարովան։
2023 թվականի սեպտեմբերի 20-ին Լեռնային Ղարաբաղում տեղակայված ռուս խաղաղապահների մեքենան ադրբեջանական զինուժի կողմից գնդակոծվել էր դիտակետից վերադառնալիս։ Զոհվել էին հինգ ռուս զինվորականներ, որոնց թվում է եղել հրամանատարի տեղակալ, առաջին աստիճանի կապիտան Իվան Կովգանը։