Արգենտինայի իշխանությունները հետաքննում են հազարավոր հղի ռուս կանանց մուտքը երկիր. հայտնում է La Nación տեղական թերթը։
Միայն փետրվարի 11-ին Արգենտինա ժամանած Ռուսաստանի Դաշնության 83 քաղաքացիներից 16-ը հղի էին։ 2022 թվականին մոտ 5800 հղի ռուս կին կարող էր մուտք գործել երկիր։
Բուենոս Այրեսում խուզարկություններից հետո առգրավվել են բջջային հեռախոսներ, համակարգչային տեխնիկա, ճանապարհորդական փաստաթղթեր։
Ստուգումը պետք է ցույց տա, թե արդյոք հանցավոր խմբեր են կանգնած «միլիոնանոց բիզնեսի» հետևում, ասում են պաշտոնյաները:
Ենթադրյալ պատճառը «մայրական զբոսաշրջությունն» է, քանի որ Արգենտինայում ծնված երեխաները ավտոմատ կերպով քաղաքացիություն են ստանում, ինչը թույլ է տալիս նրանց ծնողներին դիմել բնակության թույլտվության համար։ Արգենտինայի անձնագիրը համարվում է հեղինակավոր՝ այն թույլ է տալիս առանց վիզայի մուտք գործել ավելի քան 160 երկիր։
Տեսանյութը՝ այստեղ