Մելիտոպոլում «ЗаТВ» հեռուստաընկերության շենքի մոտ ավտոմեքենա է պայթել։ Այս մասին տեղեկացրել է «ՌԻԱ Նովոստի»-ն՝ հղում կատարելով քաղաքի ուժային կառույցներում ունեցած աղբյուրին։
Գործակալության զրուցակիցն ասել է, որ եղել է մեկ պայթյուն, բայց առայժմ չի կարողացել մանրամասներ ներկայացնել տուժածների եւ ավերածությունների մասին։
Ենթադրվում է, որ մեքենայում ինքնաշեն պայթուցիկ սարք է եղել, որը դրվել է դիվերսիոն խմբի կողմից։