Սենեգալի նախագահ Մակի Սալը շաբաթ օրը նախկին արտգործնախարար Ամադու Բային նշանակել է երկրի վարչապետ, ասվում է նախագահի հայտարարության մեջ, հայտնում է Reuters-ը։

Նշանակումը, որը վերականգնել է վարչապետի պաշտոնը 2019 թվականի ապրիլին այն վերացնելուց հետո, տեղի է ունեցել հուլիսին կայացած օրենսդրական լարված ընտրություններից հետո, որոնցում Սալի իշխող կուսակցությունը կորցրել է մեծամասնությունը խորհրդարանում:

61-ամյա Ամադու Բան 2012 թվականից մի քանի պաշտոն է զբաղեցրել Մակի Սալի կառավարություններում: 2013-2019 թվականներին եղել է էկոնոմիկայի եւ ֆինանսների նախարար, իսկ 2019 թվականից մինչեւ 2020 թվականի վերջը՝ արտաքին գործերի նախարար։