WhatsApp-ի մեսենջերը կունենա նոր գործառույթ, որը թույլ կտա ծածկագիր սահմանել թաքնված չաթերը բացելու համար։ Այս մասին հայտնել է WABetaInfo պորտալը։

Թաքնված չաթերի ցանկը բացելու համար ծածկագիր սահմանելու հնարավորությունը հասանելի կլինի հավելվածի աշխատասեղանային տարբերակում։ «WhatsApp-ը լրացուցիչ պաշտպանություն կապահովի գաղտնի խոսակցություններին չարտոնված մուտքից»,- նշել են պորտալի մասնագետները։

WABetaInfo-ն պարզաբանել է, որ նոր գործառույթը հասանելի կլինի հավելվածի հաջորդ թարմացման ժամանակ։ Տարբերակը ներկայումս մշակման փուլում է: