Ֆրանսիայի նախագահ Էմմանուել Մակրոնը համաձայնել է չկատարել Իսրայելի վարչապետ Բենյամին Նեթանյահուի նկատմամբ Միջազգային քրեական դատարանի կալանավորման օրդերը։
Պայմանը եղել է Լիբանանի և Իսրայելի միջև հրադադարի համաձայնագրում Մակրոնի դերակատարումը, գրել է «Le Point»-ը՝ վկայակոչելով Ֆրանսիայի նախագահին մոտ կանգնած աղբյուրին։
Նոյեմբեր 21-ին հայտնի էր դարձել, որ Միջազգային քրեական դատարանն Իսրայելի վարչապետ Բենիամին Նեթանյահուին և երկրի պաշտպանության նախկին նախարար Յոավ Գալանտին ձերբակալելու օրդեր է տվել։
Նրանք մեղադրվում են Գազայի հատվածում ռազմական հանցագործությունների և մարդկության դեմ հանցագործությունների համար։ Ըստ նախաքննական պալատի՝ ողջամիտ հիմքեր կան ենթադրելու, որ Նեթանյահուն ու Գալանտը միտումնավոր և գիտակցաբար զրկել են Գազայի խաղաղ բնակչությանը գոյատևման համար անհրաժեշտ պարագաներից, ներառյալ սնունդը, ջուրը, դեղորայքն ու բժշկական պարագաները, այդ թվում՝ վառելիք և էլեկտրաէներգիա։