ՌԴ Բաշկորտոստանում գարեջրով բեռնատարը դուրս է թռել ճանապարհից:
Ուֆա-Սամարա մայրուղու երկայնքով ցրվել են գարեջրի հազարավոր շշեր։ Առաջիններից մեկը, ով հայտնաբերել է այն, մի վարորդ է եղել, ով անմիջապես կիսվել է այս տեղեկությամբ սոցցանցերի օգտատերերի հետ, հայտնել են ռուսական լրատվամիջոցները։
«Ո՞ւմ է գարեջուր պետք, տեսեք, բեռնատարը դուրս է թռչել ճանապարհից»,- ասել է տեսանյութի հեղինակը։
Անցնող վարորդները և հարևան գյուղերի բնակիչները բաց չեն թողել այս հազվագյուտ հնարավորությունը և մի քանի արկղ վերցրել են, ինչը երևում է սոցցանցերում նրանց հրապարակումներից։