Բժիշկները խորհուրդ են տալիս արթնանալուց անմիջապես հետո մեկ բաժակ ջուր ըմպել, ինչպես նաև մեկական բաժակ ջուր՝ ամեն անգամ ուտելուց 30 կամ 20 րոպե առաջ։ Ջրի պակասի ժամանակ դանդաղում է օրգանիզմի բոլոր համակարգերի գործունեությունը, ինչը հրաշալի միջավայր է ստեղծում հիվանդությունների համար։
Ըստ բժիշկների՝ նյութափոխանակության գործընթացի ժամանակ օրգանիզմում առաջանում է ներքին խոնավություն, սակայն օրգանիզմի նորմալ կենագործունեության համար միայն դա բավարար չէ։ Եթե օրգանիզմին ջուրը չի բավականացնում, ապա աղիքը դժվարությամբ է մաքրվում, և տոքսիններն ավելի երկար են մնում օրգանիզմում։ Այս ամենը բերում է նյութափոխանակման գործառույթների դանդաղեցմանը՝ մարդն արագ գիրանում է, իրեն վատ է զգում։
Մասնագետները խորհուրդ են տալիս օրվա ընթացքում պարբերաբար խոնավացնել օրգանիզմը, քանի որ նման սովորույթը կարգավորում է նյութափոխանակությունը և հյուսվածքները լցնում է ջրով։ Ջուր պետք է խմել՝ կախված եղանակից և վիճակից՝ չծանրաբեռնելով երիկամները և թույլ չտալով, որ առաջանան ուռուցքներ։ Դրա համար անհրաժեշտ է առավոտը սկսել մի բաժակ ջրով, ուտելուց հետո ջուր չխմել, այլ ընդունել այն ուտելուց առաջ։ Ուտելուց միայն մեկուկես ժամ հետո կարելի է ջուր խմել։
Ջուրը պետք է դանդաղ ըմպել։ Իսկ երեկոյան ժամը 19:00-ից հետո 300 գրամից ավել հեղուկ խորհուրդ չի տրվում։