Ի՞նչ գույնով չի կարելի ներկել Զատկի ձվերը

Հայաստանյայց Առաքելական Սուրբ եկեղեցու ավանդույթներից է Սբ. Զատկի նախօրեին ձու ներկելը:

Նախաքրիստոնեական շրջանում ձուն եղել է բնության վերազարթոնքի ու կյանքի խորհրդանիշ:

Ձու ներկելու խորհուրդը շատ լավ է բացատրում Սբ. Գրիգոր Տաթևացին: Ձվի դեղնուցը խորհրդանշում է երկիրը, սպիտակուցը` ջրերը, թաղանթը խորհրդանշում է օդը, իսկ կեղևը` երկինքը: Կարմիր գույնը խորհրդանշում է Քրիստոսի արյունը, կարմիր ներկված ձուն ցույց է տալիս, որ ողջ աշխարհը փրկվեց Քրիստոսի արյամբ:

Դուք կարող եք ներկել հավկիթները այլ գույներով, և շատերը դնում են իրենց իմաստը յուրաքանչյուր գույնի մեջ: Այսպիսով, դեղինը խորհրդանշում է արևը և բարգավաճումը, իսկ կանաչը՝ բոլոր կենդանի էակների վերածնունդը և առողջության ցանկությունը սիրելիին: Կապույտը՝ մարմնավորում է ուժ և խաղաղություն, շագանակագույնը՝ պտղաբերություն:

Բայց սև գույնի հետ կապված շատ հակասություններ կան. ոմանք կարծում են, որ այն ներկայացնում է նոր կյանքի ծնունդ, իսկ ոմանք, ընդհակառակը, վստահեցնում են, որ ոչ մի դեպքում չի կարելի ձվերը սև ներկել, քանի որ դա ավանդաբար կապված է մահվան, վշտի հետ:

Զատիկը պայծառ տոն է, որը խորհրդանշում է հարությունը և հավիտենական կյանքը։