Այսօր ԱԺ ճեպազրույցների ժամին ընդդիմադիր «Հայաստան» խմբակցության ղեկավար Սեյրան Օհանյանիցև խմբակցության անդամ Արթուր Խաչատրյանից հետաքրքրվեցին, թե ի՞նչ կարող է ասել Հայաստանի և Ադրբեջանի միջև գերիների փոխանակման շուրջ ձեռք բերված պայմանավորվածության մասին:
«Սա խոսում է համատեղ պայմանավորվածության մասին, որովհետև պայմանավորվածություն է ձեռք բերվել, որ այս ժեստը կատարվի, որպեսզի, իմ տեսանկյունից, խաղաղության համապատասխան փաստաթղթի կամ երկու երկրների հարաբերությունների ձևավորման ընթացքին համապատասխան արագություն հաղորդվի»,- ասաց Օհանյանը։
Արթուր Խաչատրյանն էլ հավելեց, որ նոյեմբերի 9-ից հետո Ադրբեջանը, խախտելով այդ համաձայնությունը, հայ զինվորներ է գերեվարում, միջազգային կազմակերպությունների, տարբեր երկրների ղեկավարների կոչն արհամարհում է ու ապօրինի գերեվարում կարդկանց։
«Ապօրինի գերեվարված մարդկանց փոխանակում է երկու հանցագործի հետ, դրանից բացի քաղաքական զիջում է պահանջում Հայաստանից: Եվ դա մի հատ էլ ցույց է տալիս որպես բարեգթության ժեստ։ Եւ էստեղ ինչ-որ մարդիկ էդ նույնը երգը երգում են, որ տեսեք՝ «մենք Ադրբեջանից կարողացանք ժեստ պոկել»»,- ասաց Խաչատրյանը։
Մանրամասն՝ տեսանյութում