Թբիլիսիում աղիքային վարակով հիվանդության խմբակային դեպք է գրանցվել
Սալմոնելոզի հայտնաբերման պատճառով Սննդի ազգային գործակալությունը հետաքննություն է սկսել Վրաստանում:
Սննդի ազգային գործակալության փոխանցմամբ, Թբիլիսիի վարակիչ հիվանդությունների համաճարակային հսկողության և վերահսկման քաղաքային կենտրոնը ծանուցում է ստացել սալմոնելոզի խմբակային դեպքի մասին (ընդհանուր 6 հիվանդ, այդ թվում՝ 3 լաբորատոր հաստատված):
Համաճարակաբանական հետազոտություններով պարզվել է, որ հիվանդները գտնվել են «Օրի Կաթխա» ռեստորանում, որտեղ կերել են խինկալի, հավի ֆիլեով խորոված և Կեսար աղցան։
Սննդի ազգային գործակալությունը տեղեկություն ստանալուց անմիջապես հետո հետաքննություն է սկսել:
Ստուգման ընթացքում նկատվել են կրիտիկական անհամապատասխանություններ, ինչի պատճառով գործարանը դադարեցրել է արտադրական գործընթացը և տուգանվել 1000 լարիով; Հայտնաբերվել են նաև ոչ կարևոր անհամապատասխանություններ, որոնց վերաբերյալ հանձնարարականներ են տրվել շտկել ողջամիտ ժամկետում:
Սննդի ազգային գործակալության լիազորված անձինք լաբորատոր հետազոտության համար սննդամթերքի նմուշներ են վերցրել:
