Բորնմութի համալսարանի հնագետները, որոնք հետազոտություններ են իրականացնում ջրի տակ, Անգլիայի Դորսեթ քաղաքի ափերի մոտ հայտնաբերել են միջնադարյան նավի եւ դրա բեռների մնացորդները, որոնք թվագրվում են 13-րդ դարին:

Նավի մնացորդները շատ հազվագյուտ են, եւ 11-14-րդ դարերին անգլիական ջրերում խորտակված ոչ մի նավ հայտնի չէ։

Գտածոն դարձել է անգլիական ամենահին խորտակված նավը:

Մնացորդների վրա հայտնաբերվել են մարմարե տապանաքարեր՝ խաչերի պատկերով փորագրությամբ, ինչը չի համապատասխանում այդ ժամանակվա տապանաքարերի արտադրության մասին պատկերացումներին: