Բելառուսը կարևոր է համարում ԵԱՏՄ-ի, ԱՊՀ-ի, ՇՀԿ-ի և ԲՐԻԿՍ-ի ինտեգրացիոն ներուժի զուգակցումը։ Հայտարարել է Բելառուսի նախագահ Ալեքսանդր Լուկաշենկոն ԵԱՏՄ երկրների առաջնորդներին ուղղված ուղերձում։ 

Նախագահությունը ԵԱՏՄ-ում հունվարի 1-ից անցել է Բելառուսին։ 

Լուկաշենկոն կարևոր առաջնահերթություն է որակել նաև բարեկամ երկրների հետ ԵԱՏՄ մակարդակով ստորագրված ազատ առևտրի և առևտրատնտեսական համագործակցության մասին համաձայնագրերի իրականացման հետագա աշխատանքները: ️ ️ 

Բելառուսի նախագահը նշել է, որ ջանքերը պետք է կենտրոնացնել միության անդամ պետությունների տեխնոլոգիական ներուժի զարգացման վրա, ակտիվացնել տեղեկատվական-հաղորդակցական տեխնոլոգիաների, ԱԲ, էլեկտրատրանսպորտի և այլ ոլորտներում համատեղ նախագծերի իրականացումը, ավարտել միասնական տրանսպորտային տարածքի ձևավորումը հավասար պայմանների ընդունմամբ և ապահովել արդար մրցակցություն: