Ազգային ժողովում շարունակվում է արտահերթ նիստը։ «Հայաստան» խմբակցության պատգամավոր Աղվան Վարդանյանի ելույթը ԱԺ նախագահ Ալեն Սիմոնյանը որակեց 2006-2007 թվականների ելույթ՝ «դարակից հանում, ընթերցում եք»։
Այնուհետև, ելույթ ունեցավ համանուն խմբակցության քարտուղար Արծվիկ Մինասյանը։
«Այս դատական բարեփոխումներ կոչվածը ևս մեկ անգամ վերահաստատում է, որ ՀՀ-ում դատական իշախանությունը շարունակում է զավթվել ՔՊ ուժի կողմից»,-ասաց Մինասյանը։
Նա անդրադարձավ այն հանգամանքին, որ Ազգային ժողովում որոշումները միանձնյա են կատարվում։
«Երբ ընդդիմությունը թեկնածու է առաջադրում, ամբողջ թիմով հարձակվում եք, վերջում գնում քվեարկելու ձեր ՔՊ որոշմամբ նշանակված անձին, բերում եք այստեղ, իբր օրինականացնում եք»,-խոսքն ամփոփեց Մինասյանը։
Ելույթից հետո ԱԺ նախագահ Ալեն Սիմոնյանը դարձյալ արձագանքեց։ «Սա էլ ոնց որ 2008 թվականի մարտի 1-ից հետո ելույթ լիներ, երբ դատական իշխանությունն ակնհայտ գործողություններ էր անում: Էդ դարակի միջից հանում եք ելույթները՝ 2006-ին, 2007-ին, 2008-ին, օպերացիա կալցոների ժամանակ, դաշնակից Սերժ Սարգսյանի և Ռոբերտ Քոչարյանի հետ դաշնակից դառնալու ժամանակ, հայտնի մարդկանց կողմից դատավորներին զանգելու ժամանակ»,- թվարկեց Ալեն Սիմոնյանը։
Մանրամասները՝ տեսանյութում։