Մեր առանջահերթ խնդիրը ոչ միայն գոյություն պահպանելն է, այլ նաև հասկանալը, թե ուր ենք մենք գնում, ով ենք մենք։ Այդ մասին այսօրվա համաժողովի ընթացքում ասաց Արցախի նախկին պետնախարար Ռուբեն Վարդանյանը։
Նրա խոսքով՝ հիմա, երբ ինքը գտնվում է Արցախում, էլ ավելի շատ է զգում խնդիրները, որոնց շուրջ ինքն ու Նուբար Աֆեյանը դեռ 20 տարի առաջ սկսել էին գործակցել։
«Ու հիմա ես շատ բան եմ հասկանում։ Հասկանում եմ, որ սուտ են խոսքերը, թե հայը միայն իր փորը լցնելու մասին է մտածում, կամ մտածում է օրվա հացի մասին։ Հայը գաղափարի շուրջ համախմբվելու պահանջ ունի։ Ինքը պիտի հավատա, որ որպես անձ կարևոր է։ Հայը պիտի հավատա իր առաջնորդին, իր ապագային։ Ու դա միայն խանութները ուտելիք լցնելով չես կարող նրան ցույց տալ։ Մեր պայքարն ամեն օր շարունակվում է Արցախում։ Մի մասն անանաս է ուտում, մի մասը՝ գաղափարի շուրջ հավաքվում»,- նշեց Վարդանյանը։
Ըստ Արցախի նախկին պետնախարարի, հիմա յուրահատուկ վիճակ է. մի կողմից մենք ունենք ԽՍՀՄ-ից ստացված ժառանգություն, մյուս կողմից՝ պսևդոարևմտյան արժեքներին ու պսևդոկապիտալիստական գաղափարների միաձուլում, ինչն էլ նման խնդիրներ առաջացրեց։
Մանրամասները՝ տեսանյութում։