Կան մասնավոր հաստատություններ թոշակառուների համար, որտեղ տարեց մարդիկ կարող են հաճելի ժամանակ անցկացնել, շփվել, ստեղծագործել։ Բայց, ցավոք, ամեն թոշակառու չէ, որ կարող է ընդգրկվել այս ծրագրում, կամ նույնիսկ պարզապես այցելել հաստատություն։ Այս մասին գրում է քաղաքական-հասարակական գործիչ Նատալյա Ռոտենբերգը.
««Տարեցների առողջության և խնամքի ապահովման ասոցիացիա»-ի մասին մենք վերջերս իմացանք. այն տարեցներին երկրորդ կյանք է պարգեւում։
Ցավոք, այս մասնավոր կենտրոններին անհրաժեշտ է պետության աջակցությունը եւս. օրինակ, ավելի մեծ տարածք կարող են տրամադրել, որտեղ կենտրոնը կարող է ավելի շատ տարեց մարդկանց ընդունել, բայց դա դեռ չի արվում:
Ինչո՞ւ են տարեցներին վերաբերվում առանց հատուկ ուշադրության և հոգատարության: Հենց այս հարցի պատասխանն էլ մենք փորձել ենք հասկանալ։
Եվ դեռ չենք խոսում պետական ծերանոցների մասին. այնտեղ ավելի շատ հարցեր կան, որոնց մենք նույնպես կփորձենք անդրադառնալ։
Կցանկանայի, որ Հայաստանում, որտեղ կան ավանդույթներ եւ կա հարգանք ծնողների նկատմամբ, նման դրսևորումները ոչ միայն ավարտվեին ընտանիքի ներսում, այլ տարածվեին պետության մակարդակով, և որոշումներն այստեղ կայացվեին հօգուտ թոշակառուների»,- գրել է Ռոտենբերգը։
