Երևանի քաղաքապետարանում գործակարգավարական խորհրդակցություն է, որի ընթացքում ներկայացվեց վերջին մեկ շաբաթվա ընթացքում վարչական շրջանների կողմից ներկայացված թվով 453 անձի ժամկետանց պարտավորության վերաբերյալ տեղեկատվություն։
Ըստ այդմ, Արաբկիր վարչական շրջանի կողմից՝ 83, Կենտրոն վարչական շրջանի կողմից՝ 57, Նոր Նորք վարչական շրջանի կողմից՝ 120, Շենգավիթ վարչական շրջանի կողմից՝ 223 գործ։
Երևանի քաղաքապետ Հրաչյա Սարգսյանը հարցրեց, թե մնացած 8 վարչական շրջանները ի՞նչ փուլում են։ Աջափնյակ վարչական շրջանի ղեկավարից ստացվեց պատասխան, որ այս պահին տեղեկատվությանը չեն տիրապետում, կճշտեն, այնուհետև օրվա ընթացքում կասեն: Նույնը պատասխանը եղավ նաև Դավթաշեն վարչական շրջանի մասով։
«Ժողովուրդ ջան, ամեն մեկիդ այս հարցը 5 անգամ տվել եմ, մի հատ հանձնարարական է 7 օրվա ընթացքում, ձեր ենթակայության տակ լիքը մարդ ունեք, որ չգիտեմ՝ ինչով են զբաղված։ Դժվա՞ր է էստեղից դուրս գաք, գնաք ձեր անձնակազմին հավաքեք, ասեք ինչ պետք է անեն»,- դժգոհեց քաղաքապետն՝ անցնելով օրակարգային մյուս հանձնարարականին։