Դրամի փոխարժեքը՝ այսօր
Եղանակը՝ այսօր
Միջազգային

Լիբանանն ու Իսրայելը հաստատել են ծովային սահմանի մասին համաձայնագիրը

Blog Image

Լիբանանի նախագահ Միշել Աունը հաստատել է Իսրայելի հետ ծովային սահմանի մասին համաձայնագիրը, լրագրողներին հայտնել է Լիբանանի գլխավոր բանակցողը, փոխանցում է Reuters-ը։

Ելույթ ունենալով նախագահական նստավայրից՝ բանակցող Էլիաս Բու Սաաբն ասել է, որ համաձայնագիրը նշանավորում է «նոր դարաշրջանի» սկիզբը, եւ նամակը, որը ստորագրվել է նախագահի կողմից, հինգշաբթի ավելի ուշ կփոխանցվի ԱՄՆ պաշտոնյաներին Լիբանանի ամենահարավային սահմանային անցակետում՝ Էն Նաքուրայում։ 

Ըստ Times of Israel-ի՝ համաձայնագրին հավանություն է տվել նաեւ Իսրայելը։

«Ամեն օր չէ, որ թշնամի պետությունը գրավոր համաձայնագրով ճանաչում է Իսրայել պետությունը ողջ միջազգային հանրության առջեւ»,-ասել է Լապիդը կառավարության հատուկ նիստի սկզբում գործարքի շուրջ քվեարկության ժամանակ: «Ամեն օր չէ, որ ԱՄՆ-ն ու Ֆրանսիան աջակցում են մեզ եւ երաշխիքներ են տալիս համաձայնագրի համար»,-ասել է նա։

Իսրայելն ու Լիբանանը տեխնիկապես դեռ պատերազմի մեջ են, եւ գործարքը չի ներառում ցամաքային սահման:

«Այս համաձայնագիրը ուժեղացնում է Իսրայելի անվտանգությունը եւ մեր գործողությունների ազատությունը Հեզբոլլահի եւ հյուսիսից եկող սպառնալիքների դեմ: Պաշտպանության ողջ կառույցը հազվադեպ է համաձայնության գալիս համաձայնագրի կարեւորության շուրջ»,-ասել է Լապիդը՝ հավելելով, որ գործարքը նաեւ տնտեսական ձեռքբերում է:

Send